طريقتي في تخزين الطماطم بالصور

ازيكوا يا فتوكات عاملين ايه؟ انا جايبة النهاردة طريقتي في [ندعوك للتسجيل في المنتدى أو التعريف بنفسك لمعاينة هذا الرابط] وعملها صلصة هي ممكن تكون معروفة وكلكوا بتعملوها بس انا قلت انزلها برصه يمكن يكون فيه حد ميعرفهاش [ندعوك للتسجيل في المنتدى أو التعريف بنفسك لمعاينة هذه الصورة]


اول حاجة هنجيب [ندعوك للتسجيل في المنتدى أو التعريف بنفسك لمعاينة هذا الرابط] ونغسلها كويس جدا طبعا

[ندعوك للتسجيل في المنتدى أو التعريف بنفسك لمعاينة هذه الصورة]

وبعدين نقظعها نصين او حتت صغيرة زي ما تحبي يعني

ونحطها في حلة كبيرة على النار ونوطي عليها خاااااااااالص عشان متتلسعش من تحت وتاخد راحتها ومنقلقش لو الحلة مليانة لانها هتخس على النار بعد شوية

[ندعوك للتسجيل في المنتدى أو التعريف بنفسك لمعاينة هذه الصورة]


نسيبها بقى على النار تاخد راحتها خااااالص لحد ما نلاقيها دابت خالص والقشرة بتاعتها كمان بقت دايبة وعملت [ندعوك للتسجيل في المنتدى أو التعريف بنفسك لمعاينة هذا الرابط] كده ومية على الوش

[ندعوك للتسجيل في المنتدى أو التعريف بنفسك لمعاينة هذه الصورة]

وبعد كده ناخدها نديها ضربة كده بسيطة في الخلاط هي اصلا بتكون خلاص اتهرت خالص بس نضربها برضه في الخلاط عشان تضرب كويس جدا ونصفيها لو بتحبوا تصفوها انا عن نفسي بصراحة مش بصفيها لان القشرة بتاعتها بتكون دابت خااااالص ومش بتبان اصلا ولا بتضايق في الاكل وده شكلها كده بعد ما ضربتها في الخلاط وسبتها تبرد شوية

[ندعوك للتسجيل في المنتدى أو التعريف بنفسك لمعاينة هذه الصورة]

ونسيبها بقى لحد ما تبرد خالص وبعدين نحطها في [ندعوك للتسجيل في المنتدى أو التعريف بنفسك لمعاينة هذا الرابط]او علب زي ما تحبي على قد الطبخة بتاعتك


[ندعوك للتسجيل في المنتدى أو التعريف بنفسك لمعاينة هذه الصورة]

شايفين يا بنات حمرة وجميلة ازاي لما تيجي كمان تطبخي بيها بعد كده بتبقى حمرة جداااا وجميلة كأنها صلصة جاهزة وبتبان بالذات في المكرونة بيكون لونها جميييييل


[ندعوك للتسجيل في المنتدى أو التعريف بنفسك لمعاينة هذه الصورة]

وبس كده يا بنات سهلة جدااا وعملية وبتوفر عليكي بعد كده وقت كتير لما تيجي تطبخي يدوبك هتطلعيها وتبقى جاهزة عندك ومش بتاخد وقت خالص لو هتسبيكها لانها خلاص شبه متسبكة اصلا ده غير طبعا انها بتوفر فلوس كتير عشان اوقات احنا عارفين الطماطم بتتجنن وبتبقى اغلى من التفاح فانا في الوقت ده ببقى مش مضطرة اني اشتريها خالص عشان بيبقى عندي الحمد لله كفايتي في الفريزر

انا كده خلصت الحمد لله وانا عارفة ان الموضوع بسيط جدا بس يارب يعجبكوا وياريت لو عجبكوا تدعوا لي ربنا يقومني بالسلامة ويبارك في بنتي يارب ويجعلها ذرية صالحة باذن الله